Human sa niaging November 1-2, 2018 sa kasaulogan sa mga Santos ug Kalag, ang team sa Municipal Health Office nga gipangulohan sa Provincial ug Municipal Sanitary Inspectors inubanan sa mga Nurses Deployment Program (NDP) sa DOH ug mga immersion student sa Holy Cross Academy (HCA) nagahimo ug OPLAN TUWAD BATOK SA DENGUE.

Kabahin sa 4s batok sa Dengue ang tumong sa maong kalihokan diin ang numero uno sa 4s Batok sa Dengue mao ang “Search and Destroy” ang team sa MHO naggapangtuwad sa mga botelya or plorera sa buwak didto sa mga publiko ug pribadong sementeryo human sa maong kasaulogan sa mga Santos ug Kalag. Ang maong aktibidades hugpong nag-implementar sa 4s hinungdan nga gamay lamang ang kaso sa Dengue diri sa lungsod sa Tubigon ug aron usab malikayan ang pagtaas sa kaso sa sakit nga Dengue sa probinsya sa Bohol.